Жаңалықтар

15 сәуірде «Қазақтелеком» АҚ филиалы – Орталық  өңірлік телекоммуникация дирекциясының  Нұр-Сұлтан, Қарағанды, Көкшетау өңірлерінің құрылымдық бөлімшелері және Теміртау, Абай, Жезқазған қалалары мен Шет, Осакаровка,  Қарқаралы, Жаңаарқа, Ақкөл, Ерейментау, Целиноград, Есіл, Жақсы және т.б. аудан орталықтарының мамандарына «Жаңа әліпбидің жаңалығы» тақырыбында насихат жұмысы өткізілді.

Шараға барлығы  67 адам қатысты.

Қатысушыларға жаңа әліпбиден түсіп қалған әріптер, өзгеріске ұшыраған әріптер және диакритикалық белгілердің атқаратын қызметі түсіндірілді. Тыңдаушылар белсенділік танытып, әліпби туралы сұрақтарына жауап алды. Ұйымдастырушылар алдағы уақытта латын графикасы туралы жұмыстарды бірлесіп атқаруға ықылас білдірді.

«Қазақтелеком» АҚ филиалы – Орталық өңірлік телекоммуникация дирекциясы ұжымына шараны жоғары деңгейді ұйымдастырғаны үшін алғыс білдіреміз.