Жаңалықтар

12 мамырда Қарағанды облысының Тілдерді дамыту жөніндегі басқармасы жанындағы Ресурстық тіл орталығы «Рухани жаңғыру» бағдарламасы аясында дауылпаз ақын Қасым Аманжоловтың 110 жылдық мерейтойына орай онлайн-дәрістер циклының кезекті дәрісін ұйымдастырды.

Іс-шараның кезекті қонағы Е.А.Бөкетов атындағы Қарағанды университетінің доценті, ф.ғ. к. Қазанбаева Айнагүл Зікірқызы «Қасым мен Мұқағали өлеңдеріндегі үндестік» тақырыбында сөз қозғады.

Дәріс мазмұнында:

-Қ.Аманжолов пен М.Мақатев өлеңдеріндегі тілдік өрнек, метафораның жеке мүмкіндігі;

-Қ.Аманжолов өлеңдеріндегі ең көп көп қолданылған тәсіл – астарлы мағыналы баламалар мәселесі сөз етіліп, екі ақынның өлеңдеріне салыстырмалы талдау жасалды.

Іс-шара соңында мектептерде оқушылардың жас ерекшеліктеріне сәйкес «Қасымтану» курстарын ұйымдастыру туралы мектеп мұғалімдерінің ой-пікірлері тыңдалды және сұрақтарға жауап берілді. Сондай-ақ Қасым Аманжолов шығармашылығынан ғылыми жоба қорғамақшы оқушыларға осы бағыттағы тақырыпты қалай жүйелеп беру керектігі жөнінде кеңес берілді.

Аталмыш шараға ақынның туған өлкесі Қарқаралы ауданының азаматтары, Қарағанды мемлекеттік университетінің ғалымдары; Қарағанды гуманитарлық колледжінің ұстаздары, мектептердің қазақ тілі мен әдебиеті пәні мұғалімдері; өңірлердегі мәдениет және тілдерді дамыту бөлімдерінің мамандары қатысты.

Мазмұнды дәріс оқыған Айнагүл Зікірқызына шығармашылық табыс тілейміз!